الجمعة، 3 نوفمبر 2017

" ببساطة " .. كيف أعد أبنائي للثورة الصناعية الرابعة ؟

القاهرة - أ.ق.ت : قال الدكتور عبد الرحمن طه الخبير الاقتصادي ومؤسس مبادرة تغيير العادات والتقاليد الاقتصادية ، على صفحته بوقع التواصل الإجتماعى " فيسبوك ": بإختصار كدة علشان مطولش عليك حضرتك بعد سنة ٢٠٣٠ تدورلك على وظيفة تانية غير وظيفتك الحالية دة لو محاولتش تطور نفسك من دلوقتي و تتعلم عنصر من عناصر الثورة الصناعية الرابعة طيب وبالنسبة لابنك ؟ ...

مبدئيا كدة في شوية أمور لازم تبدأها مع أبنك من سن ٤ سنين !!!!! أربعة ؟ أيوة أربعة لان ببساطة العيل اللي عنده ٧ سنين بيعمل تطبيق موبايل :
١- برمجة
٢- روبوتات
٣- شطرنج
٤- رياضيات
٥- لغة
٦- ريادة الأعمال وأسلوب الحياة
الحاجات دي مع بعضها وفي وقت واحد ومن بدري علشان يادوب يبقى عارف يعيش مش يشتغل موضوع الشغل دة بقى محتاج إنك أنت تطور من نفسك علشان تواكب الحياة علشان هو يعرف يشتغل قدام مش هيكون في حاجة اسمها تنسيق ونظم المعلومات هتكون كلية القمة وطب وهندسة وحقوق في القاع مش عايز تصدق بلاش خليك زي مانت عايز .. سنة ٢٠٢٠ هيكون في مليون وظيفة شاغرة أساسي فيها البرمجة دة في أمريكا مش مصر مع أن البطالة هتبدأ في التزايد عندهم من نفس العام إلي حد الـ ٣٨٪ يعني انهيار الاقتصاد العالمي التقليدي طيب إزاي بطالة ومليون وظيفة شاغرة ؟ دة بسبب اختفاء ٧.٢ مليون وظيفة نوعية وظهور ٢.١ مليون وظيفة نوعية ثم تأتي ألمانيا واليابان وانجلترا تأثرا من حيث البطالة ودة سببه انخفاض مستوى التعليم .. مش أقولك بقى على الإبداع اللي عندنا في التعليم إحنا في كوكب والباقي في كوكب تاني .

وأختتم الخبير الاقتصادي ومؤسس مبادرة تغيير العادات والتقاليد الاقتصادية : بإختصارا كده "كلاوس شواب" رئيس منتدى دافوس الاقتصادي بيقول استثمروا في القطاع العام والخاص والمجتمع المدني والتعليم حتى تتمكنوا من مواكبة التطور التكنولوجي والصناعي القادم .

ليست هناك تعليقات:

إرسال تعليق